مقادير سلق الدجاج:
1دجاجة كاملة مقطعة 4 اقسام
1بصلة كبيرة
معلقة صغيرةفلفل اسود حب
عودينقرفة
7 حباتهيل
5 حباتقرنفل
3ورق غار
2لومي
رشةكمون حب او مطحون
عصير نصف ليمونة
مقادير المفتول:
1000 غمفتول جاهز غير مفرز
3 معالقزيت زيتون
معلقةسمنة
فلفل اسود حسب الرغبة
ملح حسب الرغبة
0.5 معلقة صغيرةكمون
رشةقرفة
مقادير الدفنة للمفتول:
بصلة كبيرة مفروم ناعم جدا
3 معالقزيت زيتون
رشةكمون
فلفل اسود
مكعبماجي دايب
مقادير يخنة الحمص:
2بصلة مقطعين شرائح
300 غحمص مسلوق مغسول ومصفى
رشةملح
رشةفلفل
رشةكمون
مرقة دجاج
مكعبماجي (اختياري)
2 معلقة زيت زيتون
معلقة سمنة او زبدة
طريقة التحضير
نسلق الجاج وبنحط بهارات صحيحة على الجاج (بصل وفلفل اسود حب وعودين قرفة وهيل وقرنفل 5 حبات وورق غار ولومي وكمون) وبس يستوي الجاج بناخد مرقة الجاج وبنصفيها من البهارات، وبنحطها على جنب.
بنجيب المفتول بنحط عليه التتبيلة التاليه: 3 معالق زيت زيتون ومعلقة سمنه دايبة وفلفل اسود وملح وكمون ورشة قرفة صغيرة وبنخلط المفتول فيهن بالشوكة مشان مايعجن المفتول.
بنجيب مصفايه ستانلس وبنحط فيها المفتولات بعد متبلناهن وبنعمل دفنه المفتول وهي عبارة عن طبقة بصل مبشور ناعم جدا بصلة وحدة ومكعب ماجي دايب وكمون وفلفل اسود وزيت زيتون.
بنحط هاي الدفنه جوات المفتول بنعمل حفرة بالمفتول وبنسقط هاي الدفنه وبنسكر عليها بالمفتول الباقي بنغلف المصفاية بالقصدير من فوق بس وبنحطها على طنجرة مرقة الجاج الي بتكون عم تغلي وبنتركها على النار لمدة نص ساعة تقريبا ليستوي المفتول على بخار مرقة الجاج.
وكل 10 دقايق تقريبا بنحرك المفتول بالشوكة بشوي شوي وممكن نضيف شوية مرقة جاج فوق المفتول لحتى يتشرب المرقة وياخد طعمة ويستوي وبنتركو مقصدر لحتى يستوي وبنقدمو وممكن نزينو بقطع الطماطم الشيري وصحة وهنا
.
طريقة يخنة الحمص مع البصل: بنجيب بصلتين حجم وسط وبنقطعهم شرائح وبنقليهن مع زيت زيتون ومعلقة صغيرة سمنه او زبده وبس يدبل بنحط الحمص الحب المسلوق من اول وبنضيف رشة ملح وفلفل اسود وكمون وبنحرك على النار لمدة 5 دقايق وبنحط مرقة وبنتركها تغلي وتتسبك مع البصل والحمص وبنضيف مكعب ماجي لو حبيتو وبنتركها 5 دقايق تتسبك وصحة وهنا.
ليست هناك تعليقات:
إرسال تعليق